ଅସତର୍କ ହେବା ହେଲା କାଳ ଲାଇଟ ଧରି ମହିଳାଙ୍କ ମୃତ୍ୟୁ

ନୂଆପଡ଼ା ଜିଲ୍ଲା ବୋଡେ଼ନ ବ୍ଲକ ଅନ୍ତର୍ଗତ କରଙ୍ଗାମାଲ ଗ୍ରାମପଞ୍ଚାୟତ ସ୍ଥିତ କୁଳିଙ୍ଗାମାଲ ଗ୍ରାମର ଲୀଳାବତୀ କଟା ନାମକ ଏକ ମହିଳା ଘର ବଲ ଜଳୁନଥିବା ଦେଖି ବଲକୁ ଜଳାଇବା ପାଇଁ ସେ ନିଜେ ବଲ ପାଖକୁ ଯାଇଥିଲେ। ଲଘୁଚାପ ଜନିତ ଲଗାଣ ବର୍ଷା ଯୋଗୁଁ ତାରଟି ସମ୍ପୂର୍ଣ୍ଣ ଓଦା ହୋଇ ରହିଥିଲା। ପରେ ମହିଲାଟି ଅଜଣାତରେ ତାରଟିକୁ ଧରି ଦେବା ପରେ ତାଙ୍କ ଶରୀରରେ ଲାଇଟ ଲାଗି ଯାଇଥିଲା। ପଡାର କିଛି ଲୋକେ ଜାଣି ପାରି ସଙ୍ଗେ ସଙ୍ଗେ ଲାଇଟକୁ କାଟିବା ପରେ ମହିଲାଟି ଅଚେତ ଅବସ୍ଥାରେ ତଳେ ପଡିଯାଇଥିଲେ। ସଙ୍ଗେ ସଙ୍ଗେ ସିନପାଲି ୧୦୮ ଆମ୍ବୁଲାନ୍ସକୁ ଯୋଗଯୋଗ କରି ଖଡ଼ିଆଳ ଉପ ସ୍ୱାସ୍ଥ କେନ୍ଦ୍ରକୁ ନେଇ ଚିକିତ୍ସା ଧିନ ଅବସ୍ଥାରେ ତାଙ୍କ ମୃତ୍ୟୁ ଘଟିଥିବା ସୂଚନା ମିଳିଛି। ଏହି ଖବର ଶୁଣି ତାଙ୍କ ସ୍ୱାମୀ ମଧୁସୂଦନ କଟା ଗ୍ରାମବାସୀ ବହୁତ ଭାଙ୍ଗିପଡିବା ସହ ଗ୍ରାମରେ ଶୋକର ଛାୟା ଖେଳିଯାଇଛି। ନୂଆପଡ଼ା ଜିଲ୍ଲା ରୁ ସତ୍ୟବ୍ରତ ପାଣିଗ୍ରାହୀ ଏସ୍ ଟିଭି ନିୟୁଜ ଓଡ଼ିଶା