ଆଉକିଛି ସମୟର ଅପେକ୍ଷା, ମୁହାଁମୁହିଁ ହେବେ ଭାରତ-ପାକିସ୍ତାନ

ସୁପର ସନଡେରେ ସୁପର ଶୋ । ଏସିଆ କପର ଦ୍ୱିତୀୟ ମ୍ୟାଚରେ ଆଜି ମୁହାଁମୁହିଁ ହେବେ ପାରମ୍ପରିକ ପ୍ରତିଦ୍ୱନ୍ଦୀ ଭାରତ-ପାକିସ୍ତାନ, ହେବ କଡା ମୁକାବିଲା । ଉଭୟ ଦେଶର କ୍ରୀଡାପ୍ରେମୀଙ୍କ ମଧ୍ୟରେ ଉତ୍କଣ୍ଠା । ଏସିଆ କପର 15ତମ ସଂସ୍କରଣର ଦ୍ୱିତୀୟ ମ୍ୟାଚରେ ଆଜି ଉଭୟ ଭାରତ ଓ ପାକିସ୍ତାନ ପରସ୍ପରକୁ ଭେଟିବେ। ଦୁବାଇ ଇଣ୍ଟରନ୍ୟସାନାଲ ଷ୍ଟାଡିୟମରେ ସଂଧ୍ୟା 7.30ରେ ହେବାକୁ ଥିବା ଏହି ମ୍ୟାଚ ଉପରେ ଏବେ ସାରା ବିଶ୍ବର କ୍ରିକେଟ ପ୍ରେମୀଙ୍କ ନଜର ରହିଛି । ଟ୍ବିନ ସିଟିରେ ବି କ୍ରିକେଟ୍ ପ୍ରେମୀଙ୍କ ମଧ୍ୟରେ ଦେଖିବାକୁ ମିଳିଛି କ୍ରେଜ୍ ।ଶେଷଥର ୨୦୨୧ ଟି-୨୦ ବିଶ୍ୱକପରେ ପାକିସ୍ତାନ ଦୁବାଇରେ ହିଁ ଭାରତକୁ ଏକତରଫା ଭାବେ ପରାସ୍ତ କରିଥିଲା। ଏହାର ପ୍ରତିଶୋଧ ନେବାକୁ ରୋହିତ ଶର୍ମା ଆଣ୍ଡ କୋ ପୂରା ସୁଯୋଗ ଅପେକ୍ଷା ରହିଛନ୍ତି। ସେପଟେ ଏହି ହାଇଭୋଲ୍ଟେଜ ମ୍ୟାଚକୁ ନେଇ ଦୁଇ ଦେଶର କ୍ରିକେଟ୍ ଫ୍ୟାନସ ମାନେ ବେଶ ଉତ୍ସାହିତ ଅଛନ୍ତି। ସୋସିଆଲ ମିଡିଆରେ ଫ୍ୟାନସ ଫାଇଟ୍ ଜୋରଦାର ହୋଇଥିବା ଦେଖିବାକୁ ମିଳିଛି।