ଜନ୍ମ ଦିନରେ ଗଚ୍ଛ ବାଣ୍ଟିଲେ ଯୁବ ସାମ୍ବାଦିକ ତଥା ସମାଜସେବୀ ରଞ୍ଜନ ସାହୁ

କେନ୍ଦ୍ରାପଡା: ନିଜର ଜନ୍ମଦିନ କୁ ଏକ ନିଆରା ଢଙ୍ଗରେ ପାଳନ କରିଛନ୍ତି ଯୁବ ସମାଜସେବୀ ତଥା ସାମ୍ବାଦିକ ରଞ୍ଜନ କୁମାର ସାହୁ l କେନ୍ଦ୍ରାପଡା ଜିଲ୍ଲା ଗାଙ୍ଗପଡା ପଞ୍ଚାୟତ ପରିସରରେ ଆଜି ନିଜ ଜନ୍ମଦିନ ଅବସରରେ ସେ ପ୍ରାୟ ୩ ଶହ ବୃକ୍ଷ ଚାରା ବଣ୍ଟନ କରିଛନ୍ତି l ସ୍ଥାନୀୟ ଗ୍ରାମର ପ୍ରକୃତି ପ୍ରେମୀ ମାନେ ଉପସ୍ଥିତ ରହି ରଞ୍ଜନ କୁମାର ସାହୁଙ୍କୁ ଜନ୍ମ ଦିନର ଶୁଭେଚ୍ଛା ଜଣାଇବା ସହ ନିଜ ପସନ୍ଦ ମୁତାବକ ବୃକ୍ଷ ଚାରା ଉପହାର ଭାବେ ଗ୍ରହଣ କରିଥିଲେ l ଏହି କାର୍ଯ୍ୟକ୍ରମରେ ଗାଙ୍ଗପଡା ସରପଞ୍ଚ ଅଶ୍ୱିନୀ କୁମାର ପାତ୍ର, ନାରୀ ନେତ୍ରୀ କାନନବାଳା ଦାସ୍, ସମିତିସଭ୍ୟା ସନ୍ଧ୍ୟାରାଣୀ ସେଠୀ ଙ୍କ ପ୍ରତିନିଧି ଅଭିରାମ ସେଠୀ ଓ ପ୍ରକୃତିବନ୍ଧୁ ଶିକ୍ଷକ ପାର୍ଥ ସାରଥି ରାଉତ ଅତିଥି ଭାବେ ଯୋଗଦେଇ ବୃକ୍ଷ ବିତରଣ କରିଥିଲେ । ରଞ୍ଜନ କୁମାର ସାହୁ ଜଣେ ସମାଜସେବୀ ସହିତ ସାମ୍ବାଦିକତା ରେ ଅଞ୍ଚଳରେ ବେଶ୍ ପରିଚିତ । ବାତ୍ୟାବନ୍ୟା ସମୟରେ ମଧ୍ୟ ସେ ଲୋକଙ୍କ ପାଖରେ ପହଞ୍ଚି ତାଙ୍କୁ ସହଯୋଗ କରିଥାନ୍ତି ।