ଜେଜେର ଏକାଦଶାହ କର୍ମରେ ନାତୁଣୀ ପାଣିରେ ବୁଡି ମୃତ୍ୟୁ

ଘଟଣା ଘଟିଛି କଟକ ଜିଲ୍ଲା ନିଶ୍ଚିନ୍ତକୋଇଲି ଥାନା ବୁହାଳ ସ୍ଥିତ ସାଧକନଗର ଗାଁରେ। ଲୁଣା ନଦୀରେ ଗାଧୋଉଥିବା ସମୟରେ ଏଭଳି ଅଘଟଣ ଘଟିଛି। ମୃତା ନାବାଳିକା ଛାତ୍ରୀ ଜଣଙ୍କ ନାଁ ହେଉଛି ଋତୁପ୍ରଣା ସାହୁ। ସେ ଅଷ୍ଟମ ଶ୍ରେଣୀର ଛାତ୍ରୀ। ହେଲେ ଆଉ ଦୁଇ ଭଉଣୀ ଅଳ୍ପକେ ମୃତ୍ୟ ମୁଖରୁ ବଞ୍ଚିଯାଇଛନ୍ତି l ଗ୍ରାମବାସୀଙ୍କ ଉଦ୍ଧାର କ୍ରମେ ନାବାଳିକା ସାନ ଭଉଣୀ ଦୁଇଜଣ ହେଲେ ରିଦ୍ଧି ଆଉ ସିଦ୍ଧି ଙ୍କୁ ଉଦ୍ଧାର କରାଯାଇ ନିଶ୍ଚିନ୍ତକୋଇଲି ମେଡିକାଲ ରେ ଭର୍ତି କରାଯାଇଥିଲା । ସାନ ଦୁଇଜଣ ଏବେ ସୁସ୍ଥ ଅଛନ୍ତି ବୋଲି ଜଣାଯାଇଛି l ସୂଚନାଥାଉକି ଜେଜେଙ୍କର ଏକାଦଶାହ ଦିନ 3 ନାବାଳିକା ଭଉଣୀ ନଦୀରେ ଗାଧୋଉଥିଲେ, ସାନ ଭଉଣୀ ଦୁଇଜଣ ନଦୀରେ ହଠାତ ଭାସିଯିବାରୁ ବଡ଼ ଭଉଣୀ ତାଙ୍କୁ ଉଦ୍ଧାର କରିବାକୁ ଯାଇ ପାଣିରେ ଭାସିଗଲା। ସାନ ଦୁଇଜଣ ସିନା ବଂଚିଗଲେ ହେଲେ ବଡ଼ ଭଉଣୀ ପାଣିରେ ବୁଡ଼ିଯାଇ ମୃତ୍ୟବରଣ ହୋଇଛି । ତେବେ ଏହି ହୃଦୟବିଦାରକ ଘଟଣା ସମଗ୍ର ଅଞ୍ଚଳରେ ଶୋକର ଛାୟା ଖେଳାଇ ଦେଇଛି l ନିଶ୍ଚିନ୍ତକୋଇଲି ରୁ ନିର୍ମଳ ପଢ଼ିଆରୀ ଙ୍କ ରିପୋର୍ଟ l