25 ଜଣ ଦିବ୍ୟାଙ୍ଗ ମାନଙ୍କୁ ଟ୍ରାଇ ମଟର ସାଇକେଲ ବିତରଣ କଲେ ପୂର୍ବତନ ମନ୍ତ୍ରୀ ତଥା ବିଧାୟକ ପ୍ରତାପ ଜେନା

ନିଶ୍ଚିନ୍ତକୋଇଲି ବ୍ଲକ ସୁକରପଡା ଡ଼ାକବଙ୍ଗଳା ପରିସରରେ ପୂର୍ବତନ ମନ୍ତ୍ରୀ ତଥା ବିଧାୟକ ପ୍ରତାପ ଜେନା ନିଜସ୍ୱ ଅର୍ଥ ରୁ ମୋଟ 25 ଜଣ ଦିବ୍ୟାଙ୍ଗ ମାନଙ୍କୁ ସ୍ୱୟଂ ଚାଳିତ ଟ୍ରାଇ ମୋଟର ସାଇକେଲ ବିତରଣ କରିଛନ୍ତି l ତେବେ ସମଗ୍ର ମାହାଙ୍ଗା ନିର୍ବାଚନ ମଣ୍ଡଳୀ ଅଞ୍ଚଳରେ ବିଧାୟକ ପ୍ରତାପ ଜେନା ନିଜ ପାଣ୍ଠିରୁ 100 ରୁ ଊର୍ଧ୍ଵ ଦିବ୍ୟାଙ୍ଗମାନଙ୍କୁ ଟ୍ରାଇ ମଟର ସାଇକେଲ ବଣ୍ଟନ କରିସାରିଲେଣି l ତେବେ ଦିବ୍ୟାଙ୍ଗ ମାନଙ୍କୁ ସକ୍ଷମ କରିବା, ମୁଖ୍ୟ ସ୍ରୋତ ରେ ସାମିଲ କରିବା, ଦିବ୍ୟାଙ୍ଗ କଲେଜ ଛାତ୍ର ଛାତ୍ରୀ ପାଠ ପଢିପାରିବେ, ଯୁବକ ଯୁବତୀ ବ୍ୟବସାୟ କରି ପରିବାର ପ୍ରତିପୋଷଣ କରିପାରିବେ ଏଭଳି ମହତ ଲକ୍ଷ୍ୟ ନେଇ ସମସ୍ତ ଦିବ୍ୟାଙ୍ଗ ମାନଙ୍କ ପାଇଁ ସୁଖ ଓ ଦୁଃଖର ସାଥି ସାଜିଛନ୍ତି ବିଧାୟକ ଶ୍ରୀ ଜେନା l ନିଜସ୍ୱ ଅର୍ଥରୁ ଟ୍ରାଇ ମଟର ସାଇକେଲ ବଣ୍ଟନ କରିଚାଲିଛନ୍ତି l ତେବେ ଏହି କାର୍ଯ୍ୟକ୍ରମ ରେ ବିଧାୟକ ଶ୍ରୀ ଜେନା ଙ୍କ ସହ ବ୍ଲକ ଅଧକ୍ଷା ରୋଜି ସେଠି, ବ୍ଲକ ଉପାଧକ୍ଷ ଅଶୋକ କୁମାର ଓଝା, ବ୍ଲକ ବିଜୁ ଜନତା ଦଳ ସଭାପତି ରମାକାନ୍ତ ମହାନ୍ତି, ଜିଲ୍ଲାପରିଷଦ, ସରପଞ୍ଚ, ବିଜୁ ଜନତା ଦଳ ନେତୃବୃନ୍ଦ ଉପସ୍ଥିତ ଥିଲେ l ତେବେ ନିଶ୍ଚିନ୍ତକୋଇଲି ବ୍ଲକ ଅଞ୍ଚଳର ଟ୍ରାଇ ମଟର ସାଇକେଲ ପାଇଥିବା ମୋଟ 25 ଜଣ ଦିବ୍ୟାଙ୍ଗ ଆଜି ଉପକୃତ ହୋଇଥିବାରୁ ବିଧାୟକ ପ୍ରତାପ ଜେନାଙ୍କୁ କୃତଜ୍ଞତା ଜଣାଇଛନ୍ତି ଏବଂ ଏଭଳି ସହଯୋଗ କୁ କେବେବି ଭୁଲି ପାରିବେ ନାହିଁ ବୋଲି ପ୍ରକାଶ କରିଛନ୍ତି l